设为首页 - 加入收藏
您的当前位置:主页 > 上海方言 > 正文

妥善处理好普通话和上海方言的关系

来源:中国方言 编辑:方言翻译 时间:2018-01-14

上海语委负责同志最近辣上海大学承办召开个第三届上海方言学术会议上强调指出:“要妥善处理好普通话和上海方言的关系,完整、全面理解并宣传好国家‘推广普通话,但不消灭方言’的语言政策。”由此可知,国家是重视方言,也是允许方言地区个人们使用自家本土语言个。国家提倡和谐社会,语言勿应该只有一种个。

葛末,为啥事体现在个上海小人才勿肯讲上海闲话了?幼儿园个教育是起了老老大个作用个!辣进幼儿园之前,有勿少小人是会得讲上海闲话个,但是一旦进入幼儿园,教师搭小朋友一个白天统统用普通话。小囡辣辣搿能介个大环境里,伊个思维搭仔语言也就全部转向。等于是从幼儿园教育开始就拿小囡讲上海闲话个路堵塞脱了,侬叫伊拉哪能再讲得好上海闲话!据说现在开始,上海个幼儿园也开始讲一眼上海闲话了,但是就搿一眼眼辰光学一眼眼上海闲话、读一眼眼个上海儿歌是远远勿够个,是勿起啥个作用个。因为伊拉大部分辰光讲个还是普通话。

因此,强烈建议幼儿园教学全面采用上海闲话!其中包括:做游戏,辣辣带领小朋友做游戏的辰光全部采用上海闲话进行交流,带小人做操个辰光侪讲上海闲话。画图、手工等课程也要用上海闲话来教,小朋友提问题可以用上海闲话,回答伊拉一定用上海闲话。教师用上海闲话来讲故事。勿要以为讲故事一定要用普通话个,用方言讲照样可以讲得老生动个。朗读儿歌个辰光可以用双语进行:教上海儿歌就用上海闲话,朗读简单个唐诗则采用一遍上海闲话,一遍普通话个方式来进行。

也许有人会得讲,现在幼儿园里个小朋友交关勿是上海小人。搿个是勿要紧个,小人学语言邪气快,即使是农民工个子女,勿出三个月,伊拉听讲就侪呒没问题了!而小人假使有了一口流利个上海闲话了,对外地来上海工作个大人也是一个促进,大人也就可以学眼上海闲话了,搿能就良性循环了。

栏目分类

主页

Copyright © 2002-2011 主页 版权所有

Top